HAZAR DEŇZI TESWIRNAMASYNYŇ TASLAMASYNY ARA ALYP MASLAHATLAŞMAK BOÝUNÇA HAZARÝAKA DÖWLETLERIŇ WEKILLERINIŇ 3-NJI MEJLISI

2018-nji ýylyň 23-25-nji oktýabry aralygynda Türkmenistanyň paýtagtynda Hazar deňzinde biologik serişdeleriniň bikanun awlanylmagyna (brakonýerçilige) garşy göreş babatda hyzmatdaşlyk etmek hakynda Teswirnamasynyň taslamasyny ara alyp maslahatlaşmak boýunça Hazarýaka döwletleriň ygtyýarlandyrylan wekilleriniň 3-nji mejlisi geçirilýär. Maslahata Russiýa Federasiýasynyň, Azerbaýjan Respublikasynyň, Eýran Yslam Respublikasynyň, Gazagystan Respublikasynyň we Türkmenistanyň wekiliýetleri gatnaşýarlar.

2017-nji ýylyň fewral aýynda geçirilen duşuşykda Hazaryň tebigy baýlyklaryny gorap saklamaga we artdyrmaga gönükdirilen bilelikdäki ulgamlaýyn çäreleri işläp düzmegiň wajyplygy hakynda pikir alşyldy. Howdanyň biologiki serişdeleriniň we deňiz gurşawynyň ýagdaýyna yzygiderli gözegçiligi amala aşyrmak möhüm wezipeleriň hatarynda görkezildi.

Üç günlük işiň dowamynda ylalaşygyň maddalarynyň hersi babatda aýratynlykda pikir alşylar. Berlen teklipleri we edilen bellikleri nazara almak bilen, taraplaryň wekilleri duşuşygyň barşynda Teswirnamanyň bu taslamasynyň aýratyn düzgünnamalary barada ylalaşarlar. Olar taslamany ara alyp maslahatlaşmak işini dowam etmek barada şertleşdiler.